പത്തൊമ്പതാം നൂറ്റാണ്ടില്‍ ആസ്ത്രിയന്‍ ശാസ്ത്രജ്ഞനായ ഗ്രീഗര്‍ മെന്ഡല്‍ നടത്തിയ പരീക്ഷണത്തിലൂടെയാണ് ജനിതകസംബന്ധമായ രഹസ്യങ്ങളുടെ ചുരുള്‍ അഴിയാന്‍ തുടങ്ങിയത്. ഇന്ന് മനുഷ്യന്റെയും മറ്റനേകം ജീവികളുടെയും സമ്പൂര്‍ണ്ണമായ ജനിതക മാപ്പുകള്‍ തയ്യാറായി വരുന്നു. ഇത് ജൈവസാങ്കേതികവിദ്യയുടെ ലോകത്ത് വന്‍ കുതിച്ചു ചാട്ടങ്ങള്‍ക്കു വഴി വെക്കുമെന്ന കാര്യത്തില്‍ സംശയമില്ല. അതോടെ ജനിതകശാസ്ത്രവും ഖുര്‍ ആനിലുണ്ട് എന്ന വാദവും രംഗത്തിറക്കിക്കഴിഞ്ഞു!
“ഖുര്‍ ആനും മുഹമ്മദ് നബിയുടെ തിരുവചനങ്ങളും പ്രത്യുല്‍പ്പാദനം , ജനിതകശാസ്ത്രം, എന്നിവയെ കുറിച്ചു ചര്‍ച്ച ചെയ്തിട്ടുണ്ട് എന്നത് അല്‍ഭുതകരമായ വസ്തുതയത്രേ.”(ഭ്രൂണശാസ്ത്രം ഖുര്‍ ആനിലും ഹദീസിലും)
നബി വെളിപ്പെടുത്തിയ പാരമ്പര്യശാസ്ത്രസംബന്ധിയായ ഒരു ‘അല്‍ഭുതജ്ഞാനം’ സഹീഹുല്‍ ബുഖാരി ഇങ്ങനെ ഉദ്ധരിക്കുന്നു:
“അനസ് പറയുന്നു: തിരുമേനി മദീനയിലേക്കു വന്ന വിവരം അബ്ദുല്ലാഹിബ്നു സലാമിനു കിട്ടി. അദ്ദേഹം തിരുമേനിയുടെ അടുക്കല്‍ ചെന്നു പറഞ്ഞു: “എനിക്ക് അങ്ങയോടു മൂന്നു കാര്യങ്ങള്‍ ചോദിക്കാനുണ്ട്. ഒരു നബിക്കല്ലാതെ അത് ഗ്രഹിക്കാന്‍ കഴിയില്ല. അന്ത്യപ്രളയം അടുത്തതിന്റെ ഒന്നാമത്തെ ലക്ഷണം എന്താണ്? സ്വര്‍ഗ്ഗവാസികള്‍ അവിടെ പ്രവേശിച്ച ഉടന്‍ ആദ്യം കഴിക്കുന്ന ആഹാരം എന്തായിരിക്കും? സന്താനത്തിനു പിതാവിനോടു സാദൃശ്യമുണ്ടാവാന്‍ കാരണമെന്താണ്?”
തിരുമേനി അരുളി: “ ഇതാ, ജിബ്രീല്‍ ഈ കാര്യങ്ങളെകുറിച്ച് ഇപ്പോള്‍ എന്നെ അറിയിച്ചു കഴിഞ്ഞതേയുള്ളു. ” അബ്ദുല്ല പറഞ്ഞു. “മലക്കുകളില്‍ ജൂതന്മാരുടെ ശ്ത്രുവാണു ജിബ്രീല്‍” തിരുമേനി തുടര്‍ന്ന് അരുളി: “അന്ത്യപ്രളയം സമീപിക്കുമ്പോള്‍ ഉണ്ടാകുന്ന ആദ്യലക്ഷണം ഒരു തീയാണ്. ആ തീ മനുഷ്യരെ കിഴക്കുനിന്ന് പടിഞ്ഞാറോട്ടു നീക്കിക്കൊണ്ടു പോകും. സ്വര്‍ഗ്ഗത്തില്‍ പ്രവേശിച്ചാല്‍ ആദ്യം കഴിക്കുന്ന ആഹാരം മീനിന്റെ കരളിന്മേല്‍ തടിച്ചു വളര്‍ന്നു നില്‍ക്കുന്ന ഒരു കഷ്ണമായിരിക്കും. സന്താനങ്ങള്‍ക്കു മാതാപിതാക്കളോടു രൂപസാദൃശ്യമുണ്ടാകാന്‍ കാരണം ഇതാണ്; ഒരു പുരുഷന്‍ ഒരു സ്ത്രീയുമായി ബന്ധപ്പെട്ടു. എന്നിട്ട് അവനാണ് ആദ്യം ഇന്ദ്രിയസ്ഖലനമുണ്ടായത് എങ്കില്‍ സന്താനത്തിനു പുരുഷനോടാണു സാദൃശ്യമുണ്ടാവുക. മറിച്ച് അവള്‍ക്കാണ് ആദ്യം സ്ഖലനമുണ്ടായത് എങ്കില്‍ അവളോടാണ് സന്താനത്ത്നു രൂപസാദൃശ്യമുണ്ടാവുക. “ഇതു കേട്ടപ്പോള്‍ അബ്ദുല്ലാ ഹിബ്നു സലാം പറഞ്ഞു: അങ്ങ് ദെവദൂതന്‍ തന്നെയാണെന്ന് ഞാനിതാ സാക്ഷ്യം വഹിച്ചു കൊള്ളുന്നു.” (ബുഖാരി: 1361. സി എന്‍ അഹ്മദ് മൌലവി)
രതിമൂര്‍ഛയുടെ വേളയില്‍ കൂടിക്കലരുന്ന ‘ഇന്ദ്രിയ മിശ്രിതം’ കട്ടപിടിച്ചാണ് കുട്ടിയുണ്ടാകുന്നതെന്നായിരുന്നു അക്കാലത്തെ വിശ്വാസം. കുഞ്ഞുങ്ങള്‍ക്കു മാതാപിതാക്കളോട് രൂപസാദൃശ്യമുണ്ടാകുന്നതിന്റെ കാരണമെന്താണെന്ന് അന്നത്തെ അറബികള്‍ക്കറിയില്ലായിരുന്നു. മൌലികമായ ഒരു ചോദ്യത്തിന് ദെവദൂതന്‍ നല്‍കിയ ആധികാരികമായ ഉത്തരമാണിത്. അതും “ജിബ്രീല്‍ ഇതാ ഇപ്പോള്‍ വന്ന് അറിയിച്ചു പോയതേയുള്ളു” എന്ന മുഖവുരയോടെ! അന്നത്തെ ആളുകള്‍ക്കു കൌതുകം പകര്‍ന്ന ഒരു വിജ്ഞാനം തന്നെയായിരുന്നിരിക്കണം ഇത്.
ശീഘ്രസ്ഖലനം ഉള്ളവര്‍ക്ക് സ്വന്തം മുഖഛായയുള്ള കുട്ടികള്‍ ജനിക്കുമെന്ന ഈ ഇസ്ലാമിക ജനിതകവിജ്ഞാനം അന്നത്തെ അറബികള്‍ പരീക്ഷണവിധേയമാക്കിയിരുന്നോ എന്നറിയില്ല. അങ്ങനെയൊരു പരീക്ഷണം നടന്നിരുന്നെങ്കില്‍ “താങ്കള്‍ ദൈവദൂതനല്ല എന്നു ഞങ്ങളിതാ സാക്ഷ്യം വഹിക്കുന്നു” എന്നവര്‍ മൊഴി മാറ്റിപ്പറഞ്ഞേനേ!
കുഞ്ഞിന്റെ ജനനത്തിനു ഹേതുവാകുന്ന സ്ത്രീ ബീജം[ovum] ,സംഭോഗവേളയില്‍ സ്രവിക്കുന്ന ഒരു കുഴമ്പല്ല എന്നും , പാകമാകുന്ന മുറയ്ക്ക് മാസത്തിലൊരിക്കല്‍ അണ്ഡാശയത്തില്‍നിന്നും അണ്ഡനാളി വഴി ഇറങ്ങിവരുന്നതാണെന്നും , രതിക്രീഡയുമായി ഈ അണ്ഡസ്രാവത്തിനു നേരിട്ടു ബന്ധമില്ലെന്നും ,നാം ഇന്നു മനസ്സിലാക്കുന്നതു ശാസ്ത്രീയമാര്‍ഗ്ഗത്തിലൂടെയാണ്. ഗര്‍ഭധാരണത്തിനു സ്ത്രീയുടെ രതിമൂര്‍ഛയുമായി ബന്ധമില്ല. അബോധാവസ്ഥയില്‍ ബലാത്സംഗത്തിനിരയായാല്പോലും ഗര്‍ഭം ധരിച്ചേക്കാം. ഈ വക കാര്യങ്ങളെകുറിച്ചൊന്നും കൃത്യമായി മനസ്സിലാക്കാന്‍ പറ്റുന്ന ഉയര്‍ന്ന തരം സാങ്കേതികവിദ്യകളൊന്നും അന്നു ദെവദൂതന്റെയും ജിബ്രീലിന്റെയും കയ്യില്‍ ഉണ്ടായിരുന്നില്ല. എങ്കിലും അറിയാത്ത കാര്യങ്ങളില്‍ തലയിട്ടു വിഡ്ഡിത്തങ്ങള്‍ പറയുന്ന ശീലം മറ്റു പല സന്ദര്‍ഭങ്ങളിലുമെന്നപോലെ ഇവിടെയും ആവര്‍ത്തിക്കുകയാണ് ജിബ്രീലും ദൂതനും ചെയ്തത്!
വൃഷണം മുതുകിലെത്തിക്കാന്‍ കഴിവുള്ള വ്യാഖ്യാതാക്കളെ സംബന്ധിച്ചേടത്തോളം ഇതൊന്നും അത്ര വലിയ ആനക്കാര്യമല്ലായിരിക്കാം. അവര്‍ ഇതൊക്കെ നിഷ്പ്രയാസം ശാസ്ത്രീയസത്യമാക്കി മാറ്റിയെടുക്കും. ആധുനിക ജനിതകശാസ്ത്രം തന്നെ ഇസ്ലാമിന്റെ സംഭാവനയാണെന്നവര്‍ അവകാശപ്പെടാനും ഇടയുണ്ട്!!
Subscribe to:
Post Comments (Atom)
25 comments:
ഈ ശാസ്ത്രജ്ഞന്മാരെ എല്ലാത്തിനേം തല്ലിക്കൊല്ലണം! കെഴങ്ങന്മാരു്! നേരത്തും കാലത്തും ആ ഖുര്‍ ആന്‍ ഒന്നു് തൊറന്നു് വായിച്ചു് പഠിച്ചിരുന്നെങ്കില്‍ ഏഴാം നൂറ്റാണ്ടില്‍ തന്നെ ഈ മണ്ടകൊണേശന്മാര്‍ക്കു് കമ്പ്യൂട്ടര്‍ ഒണ്ടാക്കാനും, വിമാനം പറത്താനും, ആള്‍ബോംബു് പൊട്ടിക്കാനും, ശൂന്യാകാശത്തില്‍ evening walk നടത്താനുമൊക്കെ കഴിയില്ലാര്‍ന്നോ? അല്ല, ഞാന്‍ അറിയാഞ്ഞിട്ടു് ചോദിക്ക്വാ! അതിനു് പകരം പത്തൊന്‍പതും ഇരുപതും നൂറ്റാണ്ടുവരെയൊക്കെ കാത്തിരുന്നു് മനുഷ്യനെ കളിപ്പിക്ക്വാന്നു് വച്ചാല്‍? ഇങ്ങനേം ഒണ്ടോ ഒരു ഒരു ഒരു ....
(പറ്റിയ വാക്കു് പിടി കിട്ടണില്യ. കിട്ടുമ്പോ മറക്കാതെ പറയാം.) :)
ജബാർ മാഷേ...എന്റെ ബോഗ്ഗിലും
സൂരജിന്റെ ബ്ലോഗിലും
ശാസ്ത്ര സംബന്ധമായ ചർച്ചകൾ നടക്കുന്നുണ്ട്.... താങ്കളേയും സ്വാഗതം ചെയ്യുന്നു......
താങ്കളുടെ ലേഖനം വിജ്ഞാനപ്രദമായിരുന്നു.നന്ദി.
123
നന്നായിരിക്കുന്നു മാഷേ,
പക്ഷേ ഇതെല്ലാം പണ്ടുമുതലേ നടക്കുന്നതല്ലേ..
കേരളത്തില്‍ ഇത്തരം പ്രചരണങ്ങള്‍ക്ക് കൊഴുപ്പേകാന്‍ ഗോപാലകൃഷ്ണനും കൂടിയതോടെ എല്ലാ മതക്കാരിലും ഇതിനായി ആള്‍ക്കാരുണ്ടായി...
ഒരേ സമയം പരസ്പര വിരുദ്ധമായ രണ്ട് ആശയങ്ങള്‍ കൊണ്ടു നടക്കുന്നവരാണ് വിശ്വാസികളില്‍ ഭൂരിഭാഗവും...
ഒന്ന് ശാസ്ത്രം പറഞ്ഞതും മറ്റൊന്ന് മതം പറഞ്ഞതും....
ഞാനും പോസ്റ്റി ഒരെണ്ണം ...
പ്രപഞ്ചവീക്ഷണം വീട്ടിലും സ്കൂളിലും...
ഇത്രയൊക്കയല്ലേ ചെയ്യാന്‍ പറ്റൂ..
സൂരജിന്റെയും അജ്ഞാതന്റെയും ബ്ലോഗുകളില്‍ നടക്കുന്ന ചര്‍ച്ച കാണുന്നുണ്ട്.
പ്രപഞ്ചം എങ്ങനെയുണ്ടായി എന്നതിനെ സംബന്ധിച്ച് വലിയ പിടിപാടൊന്നും എനിക്കില്ല. പഴയ പ്രീഡിഗ്രി വരെയുള്ള ഫിസിക്സേ പഠിച്ചിട്ടുള്ളു. പിന്നെ 3 കൊല്ലം തവളോളജിയാണു പഠിച്ചത്. എങ്കിലും ബൈബിളിലും ഖുര്‍ ആനിലും പറയുന്ന ഉല്‍പ്പത്തി ശാസ്ത്രം വെറും മണ്ടത്തരമാണെന്നു മനസ്സിലാക്കാന്‍ നാലാംക്ലാസു വരെയുള്ള ഫിസിക്സ് തന്നെ ധാരാളം മതി! അതേപ്പറ്റി ഉടനെ ഒരു പോസ്റ്റ് ഇടുന്നുണ്ട്.
നല്ല പൊസ്റ്റ് ,
ജമാ ആത്തെ ഇസ്ലാമിക്കാരുടെ കുറെ വീഡിയൊ ഷൊ യും മറ്റും കാണാന്‍ ഭാഗ്യം സിദ്ധിച്ചവനാണ് ഈയുള്ളൊന്‍.ഒരു ഖാഫിര്‍ നെ കൂടി സ്വര്‍ഗ്ഗത്തില്‍ എത്തിക്കാനുള്ള ശ്രമമായിരുന്നു എന്റെ ചങ്ങാതിമാരുടെതു.അന്നുമുതല്‍ ഇത്തരത്തില്‍ ഒരു പൊസ്റ്റ് വേണം എന്നു ആഗ്രഹിക്കാറുണ്ടു.
ആശംസകള്‍
ഖുര്‍ആന്‍ ദൈവികഗ്രന്ഥമാണെന്നാണല്ലോ മുസ് ലീംകള്‍ അവകാശപ്പെടാറുള്ളത്‌. അത് മുഹമ്മദിന്റെ രചനയല്ലെന്നും ദൈവികമാണെന്നും എങ്ങനെയാണ്‌ മനസ്സിലാവുക? എന്താണതിന്‌ തെളിവ്‌?
ചില ടീമുകളുടെ സൂക്കേടുകള്‍ക്ക് ഇതു പോലുള്ള ‘വയറിളക്ക’ ചികിത്സാ തന്നെ വേണം. അത്രയും മനസിലാക്കിത്തന്നതിനു നന്ദി ജബ്ബാര്‍ മാഷ്!
അഭിവാദ്യങ്ങള്‍!
സൂരജ്! ഇവര്‍ക്ക് ഇതിലും ഡോസ് കൂടിയ ചികില്‍സയാണു വേണ്ടത്. മറ്റുള്ളവരും വായിക്കുന്നുണ്ടല്ലോ എന്നു കരുതിയാണ് ഇത്രയെങ്കിലും കട്ടി കുറച്ചു കൊടുക്കുന്നത്. ഞാനീ ഞാണിന്മേല്‍ക്കളികള്‍ കാണാന്‍ തുടങ്ങിയിട്ട് പതിറ്റാണ്ടുകള്‍ പലതായി. ആദ്യമൊക്കെ വളരെ ലഘുവായ വുമര്‍ശനങ്ങളാണു നടത്തിയിരുന്നത്. അപ്പോള്‍ ഇക്കൂട്ടല്‍ വല്ലാതെ മേക്കിട്ടു കയറാന്‍ തുടങ്ങി. അതുകൊണ്ടാണല്‍പ്പം കനം കൂട്ടി കൊടുക്കാന്‍ തുടങ്ങിയത്. മിതവാദികളായ വായനക്കാര്‍ ക്ഷമിക്കുക.
ഖുര്‍ ആനിലെ പ്രപഞ്ച ഘടനയും അല്ലാഹുവിന്റെ വിവരക്കേടുംവ്യക്തമാക്കുന്ന ഏതാനും കുറിപ്പുകള്‍ തുടര്‍ന്നു വായിക്കാം.
നിങ്ങൾ യുക്തിവാദിയാണെന്നു പറയുന്നു .
എന്താണു യുക്തിവാദം , ചിന്തിച്ചു തിരിച്ചറിയുന്നതിനെയാണു യുക്തിവാദം എന്നു പറയുന്നത് .
നിങ്ങൾ യുക്തിവാദിയല്ല . നിങ്ങൾ നിരീശ്വരവാദിയാകുന്നു .
നിരീശ്വരവാദവും യാധാസ്ധ്തികതയും രണ്ടും ഒന്നും മനസ്സിലാക്കത്തതിന്റെ ലക്ഷണമാണു .
ദൈവം ഇല്ലെന്നു ഒരിക്കലും ഒരു ചിന്തിക്കുന്ന മനുഷ്യനു ഉറപ്പിച്ചു പറയാൻ കഴിയില്ല . ഒന്നുകിൽ ദൈവം ഉണ്ട് അല്ലെങ്കിൽ ദൈവം ഇല്ല എന്നേ പറയാൻ കഴിയൂ .
നിഷ്പക്ഷമായ ചിന്തയാണു നമുക്കു വേണ്ടത് . ശാസ്ത്രം നിഷ്പക്ഷമാണു . പരീക്ഷണ നിരീക്ഷണങ്ങളിലൂടെ കര്യങ്ങളുടെ സത്യം മനസ്സിലായാൽ ശാസ്ത്രം സമ്മതിക്കും . അതിൽ നിന്നു വീണ്ടും കണ്ടേത്തും . ഒരു ശാസ്ത്ര സത്യം സത്യമല്ലെന്നു കണ്ടേത്തിയാൽ ശാസ്ത്രം തുറന്നു പറയും .
നിഷ്പക്ഷ സമീപനമാണു നിങ്ങൾക്ക്‌ വേണ്ടത് . ദൈവം ഉണ്ടെന്നു നിങ്ങൾക്കു തോന്നിയൽ നിങ്ങൾ അങ്ങനെ വിസ്വസിക്കണം .
നാം ജീവിക്കുന്ന ഭൂമിയും സൗരയുധവും നക്ഷത്ത്രങ്ങളും ഗാലക്സികളും അടങ്ങുന്ന പ്രപഞ്ജം എങ്ങിനെ ഉണ്ടായി , മരിച്ച ഷേഷം നമ്മുടെ അവസ്ത എന്തായിരിക്കും , ജനിക്കുന്നതിനു മുമ്പു നാം എവിടെ ആയിരുന്നു , ജീവ പരിണാമത്തിൽ അദ്യം ഉണ്ടായെന്നു പറയുന്ന പ്രോറ്റീൻ തന്മാത്രകൽ എങ്ങിണെ ഉണ്ടയി , അതിലും മുമ്പു എന്തയിരുന്നു , നമുക്കു ഇതു വരെ ഒരു വസ്തുവും സ്വന്തമായി ഉണ്ടാക്കാൻ കഴിഞ്ഞിട്ടില്ല . ഇവിടെയുള്ള വസ്തുക്കൽ സംയോജിപ്പിച്ചാണു നാം മറ്റു വസ്തുക്കൽ ഉണ്ടാക്കുന്നത്‌ , ഇങ്ങനത്തെ ഉത്തരം കിട്ടാത ചോദ്യങ്ങൾ ചിന്തിച്ചാൽ ദൈവം എന്ന ഒരു സൃഷ്ടാവു ഉണ്ടായിരിക്കും എന്നു തോന്നുകയാണെങ്കിൽ അവിടെ വെച്ച്‌ ചിന്ത നിർത്തുക .
ദൈവം ഉണ്ടെന്നു മനസ്സിലയിട്ടും നിങ്ങളുടെ ചിന്തയിൽ തന്നെ ഉറച്ച്‌ നിൽക്കുകയണെങ്കിൽ നിങ്ങൾ മനസ്സിൽ കാപട്യമുള്ളവനും നിരീശ്വരവാദിയും ആകുന്നു .
പ്രിയ നിഷ്പക്ഷന്‍.
യുക്തിവാദത്തിന്റെ ഡഫനിഷന്‍ എന്റെ ചങ്ങാതി അലിയു പറയുന്നതിനോട് ഞാന്‍ യോജിയ്ക്കുന്നു. ദൈവം ഇല്ലാന്നൊരാള്‍ക്ക് ഉറപ്പിച്ചു പറയാനാവില്ല എങ്കില്‍ ദൈവമുണ്ട് എന്നും പറയാനാവില്ല, ഒരു മനുഷ്യനെ സംബന്ധിച്ച് ഇതും രണ്ടും പ്രൂവ് ചെയ്യാനാവില്ല. ദൈവം ഉണ്ടെങ്കില്‍ മൂ‍പ്പര്‍ രംഗത്ത് വരാതെ ഈ വാദപ്രതിവാദത്തിനോ , എന്റെ മതമാണ് സത്യം മറ്റെവന്റെ മതം അസത്യം എന്നുള്ള പ്രഖ്യാപനങ്ങള്‍ അവസാനിക്കില്ല.
നാം ജീവിക്കുന്ന ഭൂമിയും സൗരയുധവും നക്ഷത്ത്രങ്ങളും ഗാലക്സികളും അടങ്ങുന്ന പ്രപഞ്ജം എങ്ങിനെ ഉണ്ടായി , മരിച്ച ഷേഷം നമ്മുടെ അവസ്ത എന്തായിരിക്കും , ജനിക്കുന്നതിനു മുമ്പു നാം എവിടെ ആയിരുന്നു , ജീവ പരിണാമത്തിൽ അദ്യം ഉണ്ടായെന്നു പറയുന്ന പ്രോറ്റീൻ തന്മാത്രകൽ എങ്ങിണെ ഉണ്ടയി , അതിലും മുമ്പു എന്തയിരുന്നു , നമുക്കു ഇതു വരെ ഒരു വസ്തുവും സ്വന്തമായി ഉണ്ടാക്കാൻ കഴിഞ്ഞിട്ടില്ല . ഇവിടെയുള്ള വസ്തുക്കൽ സംയോജിപ്പിച്ചാണു നാം മറ്റു വസ്തുക്കൽ ഉണ്ടാക്കുന്നത്‌ , ഇങ്ങനത്തെ ഉത്തരം കിട്ടാത ചോദ്യങ്ങൾ ചിന്തിച്ചാൽ ദൈവം എന്ന ഒരു സൃഷ്ടാവു ഉണ്ടായിരിക്കും എന്നു തോന്നുകയാണെങ്കിൽ അവിടെ വെച്ച്‌ ചിന്ത നിർത്തുക .
എങ്ങനെ ആ ചിന്ത അവിടെ ഒരൊറ്റയടിയ്ക്ക് അവസാനിപ്പിയ്ക്കും .. ഇനി താങ്കള്‍ പറയുന്ന രീതിയില്‍ ഒരു ദൈവം ഉണ്ടെങ്കില്‍ അതേതു മതക്കാര്‍ പറയുന്ന ദൈവമാണ് ? എല്ലാ മതക്കാരും പറയുന്നത് ഒരു ദൈവമാണെങ്കില്‍ എന്തിനാണ് പിന്നെ ഇത്രയും മതങ്ങള്‍ ഒന്നു പോരെ ?.ഒരു മതക്കാരുടെ വിശ്വാസടിസ്ഥാനത്തിലൂടെ ജീവിച്ചില്ലെങ്കില്‍ ദൈവസന്നിതിയിലെത്താനാവുകയില്ലാന്ന് പറയുന്നു വല്ലാത്തൊരു കണ്‍ഫ്യൂഷനിലെത്തുമല്ലോ അവസാനം . ദൈവം ഉണ്ടന്നു വിശ്വസിയ്ക്കുന്നൊരാള്‍ക്കാണ് സത്യത്തില്‍ ഇങ്ങനെയുള്ള സംശയവും മറ്റും ഉണ്ടാവുക മാത്രമല്ല ഇവര്‍ക്കിടയിലാണ് സ്പര്‍ദ്ദയും വിധ്വേഷങ്ങളും ഉടലെടുക്കുക, ആക്രമണങ്ങളും പിടിച്ചെടുക്കലും ഉണ്ടാവുക, പരസ്പരം സ്നേഹമില്ലായ്മ (മനസ്സില്‍)ഉണ്ടാവുക. എന്നാല്‍ ദൈവം ഇല്ലാ എന്നുള്ള ചിന്തയുള്ളവര്‍ക്ക് ഈ ജാതി കണ്‍ഫ്യൂഷന്‍സോ , വകഭേദങ്ങളൊ പരസ്പര വിധ്വേഷമോ (മതത്തിന്റെ,ദൈവത്തിന്റെ പേരില്‍) എന്റേത് ശരി, നിന്റേതു ശരിയെന്ന തോന്നലോ ഉണ്ടാവില്ല അവിടെ അതിര്‍വരമ്പുകളുണ്ടാവുന്നില്ല. ഒരുവ്യക്തി തന്റെ മുന്‍പില്‍ സഹായമാവശ്യപ്പെട്ടാല്‍ അവന്റെ പേരു പോലും ചോദിച്ചറിയാതെ തന്നെ അവനെ സഹായിക്കാനുള്ള മനോഭാവം ഉണ്ടാവും .. പ്രിയ നിഷ്പക്ഷ ഇതല്ലേ സത്യത്തില്‍ യഥാര്‍ത്ഥ നിഷ്പക്ഷത അല്ലാതെ ഏതെങ്കിലും ഒരു ദൈവത്തിന്റെ കയ്യാളായി ഏതെങ്കിലും ഒരു മതത്തിന്റെ പ്രതിനിധിയായി പക്ഷം പിടിയ്ക്കല്‍ നിഷ്പക്ഷമാവുമോ .
എല്ലാ ഇസത്തിലും അതിന്റേതായ പോരായ്മകളുണ്ടാവാം അതുപോലെ ശാസ്ത്രത്തിലും ഉണ്ടാവാം എല്ലാം ശരിയായാല്‍ മനുഷ്യന്റെ അന്വേഷണം നിലയ്ക്കും പിന്നെ യാതൊന്നും കണ്ടുപിടിയ്ക്കപ്പെടുല്ല ഡോ:സൂരജി പറഞ്ഞത് പോലെ “ശാസ്ത്രത്തിന് ഇന്നും മിസ്റ്റീരിയസ് എന്നു തോന്നുന്ന പല സംഗതികളും ഉണ്ട്. ആദിമ മനുഷ്യനു തീയും ഇടിമിന്നലും മുതല്‍ പലതും മിസ്റ്റീരിയസ് ആയിരുന്നു. ഓരോ പ്രഹേളികയുടെയും ഉള്‍ക്കാമ്പിലേക്ക് അവനെ ഇറങ്ങിച്ചെല്ലാന്‍ സഹായിക്കുന്നതും സഹായിച്ചിട്ടുള്ളതും ശാസ്ത്രീയാന്വേഷണമാണ്. അല്ലാതെ ഇതെല്ലാം ഏതെങ്കിലും മതഗ്രന്ഥത്തിലുള്ളതാണെന്ന് അവകാശപ്പെട്ടുകൊണ്ടിരുന്നെങ്കില്‍ ഇന്ന് ഇക്കാണുന്നതൊന്നും ഉണ്ടാകുമായിരുന്നില്ല.“
മനുഷ്യനെ മനുഷ്യനായി കാണുന്ന നല്ല മനസ്സാണ് നമ്മുക്കേവര്‍ക്കും വേണ്ടത്
പ്രിയ വിചാരം ,
ശാസ്ത്രത്തിന്റെ ഉത്തരം കിട്ടാത ചോദ്യങ്ങൾ ചിന്തിച്ചാൽ ദൈവം ഉണ്ടെന്നു മനസ്സിലായാൽ പിന്നെ എന്തിനാണു ചിന്തിക്കുന്നത്‌ . ദൈവം ഉണ്ടെന്നു നിങ്ങൾക്കു മനസ്സിലായാൽ പിന്നെ എന്തിനാണു നിങ്ങൾ ചിന്തിക്കുന്നത്‌ . ദൈവം ഉണ്ടെന്നു നിങ്ങൾക്കു മനസ്സിലായല്ലോ .
ദൈവത്തെ കുറിച്ചു ചിന്തിക്കുന്നത്‌ നിർത്തിക്കൂടെ എന്നാണു ഞാൻ പറഞ്ഞത് . അല്ലാതെ ശാസ്ത്ര ചിന്ത നിർത്തണം എന്നല്ല . നാം ഒരു ആറ്റത്തെ പോലെ നിസ്സാരമണല്ലോ ഈ പ്രപഞ്ചത്തിൽ . അങ്ങനത്തെ നമുക്ക്‌ , ചിന്തിക്കാൻ കഴിയാത്ത അവസ്തയിൽ നില കൊള്ളൻ കഴിവുള്ളവനാണെങ്കിലോ ചിലപ്പോൾ ദൈവം .
എല്ലാം അറിഞ്ഞാൽ ശാസ്ത്രത്തിന്റെ അന്വേഷണങ്ങൽ നിൽക്കും എന്നു എന്റെ കൂട്ടുകാരൻ പറഞ്ഞത് വളരെ ശരിയാണു . ഇതിനൊരു മറുപടി എന്തു പറയണമെന്ന്‌ എനിക്കറിയില്ല . ഒരു മതവിശ്വാസിക്ക്‌ ശാസ്ത്രവിശ്വാസി ആവാൻ ഒരിക്കലും കഴിയില്ല എന്നും എനിക്കു തോന്നുന്നു . എനിക്കു പറയനുള്ളത്‌ . മതവിസ്വാസിയെ അവന്റെ പാട്ടിനു വിടുക , ശാസ്ത്രജ്നനെ അവന്റെ പാട്ടിനും വിടുക . മത വിശ്വാസി ശാസ്ത്രത്തിൽ കയറിയും അഭിപ്രായം പറയാൻ പാടില്ല .
പിന്നെ ,
എല്ലാവരും മത നിഷേധികളായാൽ ലോകത്ത് സമാധാനം ഉണ്ടാകും എന്നു ഞാൻ വിസ്വസിക്കുന്നില്ല , എല്ലാവരും മത വിശ്വാസികളായാലും ലോകത്ത് സമാധാനം ഉണ്ടാകും എന്നും വിസ്വസിക്കുന്നില്ല . എല്ലാവരും എന്നെ പോലെയും നിങ്ങളെ പോലെയും അറിവുള്ളവരായാൽ ലോകത്ത് സമധാനം ഉണ്ടാകും .
ദൈവം ഉണ്ടോ ഇല്ലേ എന്നതല്ല ഇവിടെ ചര്‍ച്ചാവിഷയം. ഖുര്‍ ആന്‍ എഴുതിയ ആളാണോ ദൈവം എന്നതാണ്. മനുഷ്യ ശരീരത്തിന്റെ അനാട്ടമി പോലും അറിയാത്തയാള്‍ എങ്ങനെ ദൈവമാകും?
പ്രിയ നിഷ്പക്ഷന്‍
ശാസ്ത്രത്തിന്റെ ഉത്തരം കിട്ടാത ചോദ്യങ്ങൾ ചിന്തിച്ചാൽ ദൈവം ഉണ്ടെന്നു മനസ്സിലായാൽ പിന്നെ എന്തിനാണു ചിന്തിക്കുന്നത്‌ . ദൈവം ഉണ്ടെന്നു നിങ്ങൾക്കു മനസ്സിലായാൽ പിന്നെ എന്തിനാണു നിങ്ങൾ ചിന്തിക്കുന്നത്‌ . ദൈവം ഉണ്ടെന്നു നിങ്ങൾക്കു മനസ്സിലായല്ലോ .
ഇതെനിക്ക് മനസ്സിലായില്ല, ഒരു ചോദ്യത്തിന് ശാസ്ത്രത്തില്‍ നിന്ന് ഉത്തരം കിട്ടിയിട്ടില്ലെങ്കില്‍ ദൈവം ഉണ്ടന്നെങ്ങനെ മനസ്സിലാവും ? ഇതിന്റെ ലോജിക്ക് എനിക്ക് എത്ര ആലോചിച്ചിട്ടും കിട്ടുന്നില്ല . അങ്ങനെയാണെങ്കില്‍ ഒരു ചോദ്യത്തിനുത്തരം മതത്തില്‍ നിന്ന് കിട്ടിയിട്ടില്ലെങ്കില്‍ ദൈവം ഇല്ലാന്നും പറയാലോ . അല്ലേ ?
ശാസ്ത്രവിശ്വാസി എന്ന ഒരു വിഭാഗമുണ്ടന്ന് എനിക്ക് തോന്നുന്നില്ല, ദൈവത്തില്‍ വിശ്വസിയ്ക്കുന്ന അനേകം ശാസ്ത്ര വിശ്വാസികള്‍ ഉണ്ടാവാം അതുപോലെ ശാസ്ത്രത്തില്‍ വിശ്വസിയ്ക്കുന്ന നിരീശ്വരവാദികളും ഉണ്ടാവാം അതല്ലാം ഓരോ വ്യക്തിയുടെ ചിന്താസ്വാതന്ത്രമാണ്. എന്തുകൊണ്ട് നീ അത് വിശ്വസിയ്ക്കുന്നു അല്ലെങ്കില്‍ വിശ്വസിയ്ക്കുന്നില്ലാന്ന് പറയാനുള്ള അവകാശമൊന്നും ആര്‍ക്കുമില്ല. ശാസ്ത്രം എന്നത് അനുമാനങ്ങളേക്കാള്‍ തെളീയ്ക്കപ്പെടുന്നത് സത്യങ്ങളാണ് എന്നാല്‍ മതകാര്യങ്ങള്‍ അനുമാനങ്ങളെ സത്യമായി വിശ്വസിയ്കുന്ന സംഹിതയും. എന്നാല്‍ ഇവയെല്ലാം പൂര്‍ണ്ണതയുള്ളവയാണന്ന് ആര്‍ക്കും അവകാശപ്പെടാനാവില്ല പൂര്‍ണ്ണത എന്നത് ഏതില്‍ വരുന്നുവോ അവിടെ സംശയങ്ങളും ചോദ്യങ്ങളും ഉണ്ടാവില്ല അതുള്ളയിടത്തോളം കാലം അത് പൂര്‍ണ്ണമാവില്ല അതേത വിശ്വാസമായാലും.
എല്ലാവരും എന്നെ പോലെയും നിങ്ങളെ പോലെയും അറിവുള്ളവരായാൽ ലോകത്ത് സമധാനം ഉണ്ടാകും .
ഈ വാ‍ക്ക് പോലും പൂര്‍ണ്ണതയില്ലാത്തതാണ്,നമ്മുക്കെന്തറിവാണുള്ളത് ? ഒരു റേഡിയോ തുറന്നാല്‍ അതിനകത്തെ ഇലക്ട്രിക്ക് പാര്‍ട്സുകള്‍ കണ്ടന്തംവിടുന്ന എനിക്ക് അറിവ് എന്നത് ആയിരം ജന്മമെടുത്താല്‍ പോലും പൂര്‍ണ്ണതയിലെത്താനാവുമെന്ന് കരുതുന്നില്ല. അറിവിനേക്കാള്‍ ഏവരേയും സ്നേഹിയ്ക്കാനുള്ള നല്ല മനസ്സ് മതി ,നമ്മുടെ നാട്ടിലെ ചില വ്യക്തികള്‍ക്ക് വിദ്യാഭ്യാസമോ മറ്റു അറിവുകളോ ഇല്ലെങ്കിലും അവര്‍ സ്നേഹത്താല്‍ എത്ര പേരുടെ മനസ്സാണ് കവരുന്നത് . എന്റേത് ശരി നിന്റേത് തെറ്റ് എന്ന മനോഭാവം മാറ്റുക.
If you interpret the things with your own language and understanding, then everything will be upside down. Don't see things with your language. You must know what it is actually conveys. Don't go on surface.
But one thing is so clear. Prophet was an illiterate and he have more sense than you. And that is the reason why the Islam has enormous influence on World and people.
An Explanation of Certain Terminology Used by the Orientalists
Thomas Carlyle in ‘Heroes and Hero Worship and the Heroic in History’
A. S. Tritton in ‘Islam’
De Lacy O'Leary in ‘Islam at the Crossroads’
Edward Gibbon in ‘The Decline and Fall of the Roman Empire’
Edward Gibbon in ‘History of the Saracen Empire’
Lane-Poole in 'Speeches and Table Talk of the Prophet Muhammad'
Annie Besant in 'The Life and Teachings of Mohammad'
W.C. Taylor in 'The History of Muhammadanism and its Sects'
Reverend Bosworth Smith in 'Muhammad and Muhammadanism'
Edward Montet, in 'La Propagande Chretienne et ses Adversaries Musulmans, 1890.
Dr. Gustav Weil in 'History of the Islamic Peoples'
Alphonse de LaMartaine in 'Historie de la Turquie,' 1854.
Mahatma Gandhi, statement published in ‘Young India,’ 1924.
Sir George Bernard Shaw in 'The Genuine Islam,' 1936.
Michael Hart in ‘The 100, A Ranking of the Most Influential Persons In History’
Dr. William Draper in ‘History of Intellectual Development of Europe’
J.W.H. Stab in ‘Islam and its Founder’
Washington Irving in ‘Life of Muhammad’
Arthur Glyn Leonard in ‘Islam, Her Moral and Spiritual Values’
Charles Stuart Mills in ‘History of Mohammadanism’
Philip K. Hitti in ‘History of the Arabs’
Stanley Lane-Poole in ‘Studies in a Mosque’
Rodwell in the Preface to his translation of the Holy Qur’an
W. Montgomery Watt in ‘Muhammad at Mecca’
D. G. Hogarth in ‘Arabia’
Washington Irving ‘Mahomet and His Successors’
James Michener in ‘Islam: The Misunderstood Religion’
Lawrence E. Browne in ‘The Prospects of Islam’
K. S. Ramakrishna Rao in 'Mohammed: The Prophet of Islam'
Jules Masserman in 'Who Were Histories Great Leaders?' in TIME Magazine
Full Article in the Muslim History,
for more Ref, visit site below.
Atheism is one of the man made ideocracy which is based on foolish assumption which emerges from a closed mind. The real religion makes sense of life. Sense of human is the wonderful technology by which people comprehend to disern what is right and what is wrong. That is the only thing which make human to deal with logic. If no sense, they can do anything even it hurts anyone or abuse anyone. They do not bother about what others feel. Conscience will wary in each individual as they will justify with every action as per their interest. Then what is the solution. I leave this logic question for Athiest to bring.
Anyhow, Here is great truth about what is all about, Islam, how it made the civilised society, how it made influence on our ancestors who were great scientists. More details can get for my Athiest friends, Read without bias,
Muslim contribution to humanity and Islamic Civilization. This site is dedicated to those Muslims whose multi-disciplinary contributions sparked the light of learning and productivity and without whom the European Renaissance would not have begun and come to maturity. Their contributions are rarely mentioned in formal education, and if at all mentioned their names are Latinized or changed with the effect of obscuring their identity and origin, and their association with the Islamic Civilization.
http://www.cyberistan.org/islamic/quote1.html
http://www.cyberistan.org/islamic/places1.html
http://www.cyberistan.org/islamic/islam1.html
http://www.cyberistan.org/islamic/latintr1.html
http://www.cyberistan.org/islamic/prophhs.html
http://www.cyberistan.org/islamic/prophhs.html#introhs
http://www.cyberistan.org/islamic/prophhs.html#moreprop
കിത്താബില്‍ എല്ലാമുണ്ട്.
മറ്റെവിടേയും ഒന്നുമില്ല !!
മന്ദബുദ്ധികളായ ദൈവങ്ങളും,പ്രവാചര്കരും ചെകുത്താന്റെ അവതാരങ്ങളാണെന്ന് ആരും തിരിച്ചറിയുന്നില്ലല്ലോ പടച്ചോനേ.
:)
മുഹമ്മദ് നബി അങ്ങനെ പറഞ്ചിട്ടുണ്ടെങ്കില്‌ അത് സത്യമായിരിക്കും തീര്‌ച്ച. വിശ്വാസികള്‌ക്ക്‌ അതില്‌ ഒരു സംശയവും ഇല്ല തന്നെ.
നിങ്ങള്‌ (അവിശ്വസിക്കുന്നവറ്‌) ശാസ്ത്രം അത് തെളിയിക്കുന്നതുവരെ ദയവായി കാത്തിരിക്കുക. ഉദാഹരണത്തിന്‌ ഈ വീഡിയോ കാണുന്നതിനു വിനീതമായി അപേക്ഷിക്കുന്നു.
http://www.youtube.com/watch?v=YeM0bgka-sU
മുഹമ്മദ് നബി അങ്ങനെ പറഞ്ഞത് താനും തന്റെ വിശ്വാസം പുലര്‍ത്തുന്നവരും മാത്രം വിശ്വസിച്ചാല്‍ മതി അത് ഞങ്ങടെ മേലില്‍ കയറ്റി വെയ്ക്കേണ്ട ...
ജബ്ബാരെ ഒരിക്കലും ഒരാള്‍ പേരുകൊണ്ട് മുസ്ലിം ആകില്ല അതിനാല്‍ തന്നെ ഞാന്‍ ഒരു മുസ്ലിം ആയി കാണുന്നില്ല.താന്‍ ഇവിടെ എഴുതിയ എല്ലാ തെറ്റുകളും ഞാന്‍ വായിച്ചു ഇതില്‍ നിന്നും എനിക്കൊരു കാര്യം മനസിലായി താങ്കള്‍ മദ്രസയില്‍ പോയിട്ടില്ല.താങ്കള്‍ ഒരു കാര്യം മനസിലാക്കണം ഈ ലോകത്ത് ഏറ്റവും കൂടുതല്‍ ആളുകള്‍ വിശ്വസിക്കുന്ന മതം ക്രിസ്തു മതമാണ്. ഏറ്റവും കൂടുതല്‍ ആളുകള്‍ മതം മാറുന്നത് ഇസ്ലാമിലെക്കാന്. ഖുര്‍ആന്‍ എന്ന മഹത്തായ ഗ്രന്ഥം നീ എതിര്‍ക്കുമ്പോഴും ഇസ്ലാമിന്റെ ശത്രുവായ ജൂതന്‍ വിശ്വസിക്കുന്നു. അള്ളാഹു ഖുരാനിലൂടെ നിന്നെ പോലുള്ളവരെ വെല്ലു വിളിച്ചിട്ടുണ്ട് അറിയാമോ ആവോ. കുഴപ്പമില്ല കഫിറായ നിനക്ക് വേണ്ടി ഞാനത് പറയാം. ഖുരാനിലുല്ലതുപോലെ ഒരു ആയത് എഴുതാന്‍ പറ്റുമോ. ഒരു പണിയും ഇല്ലാത്തത് കൊണ്ടാണല്ലോ നീ ഈപണിക്കുവന്നത് പറ്റിയാല്‍ ഈ വെല്ലുവിളി നീ എത്റെടുക്ക്.
ജബ്ബാരെ ഒരിക്കലും ഒരാള്‍ പേരുകൊണ്ട് മുസ്ലിം ആകില്ല അതിനാല്‍ തന്നെ ഞാന്‍ ഒരു മുസ്ലിം ആയി കാണുന്നില്ല.താന്‍ ഇവിടെ എഴുതിയ എല്ലാ തെറ്റുകളും ഞാന്‍ വായിച്ചു ഇതില്‍ നിന്നും എനിക്കൊരു കാര്യം മനസിലായി താങ്കള്‍ മദ്രസയില്‍ പോയിട്ടില്ല.താങ്കള്‍ ഒരു കാര്യം മനസിലാക്കണം ഈ ലോകത്ത് ഏറ്റവും കൂടുതല്‍ ആളുകള്‍ വിശ്വസിക്കുന്ന മതം ക്രിസ്തു മതമാണ്. ഏറ്റവും കൂടുതല്‍ ആളുകള്‍ മതം മാറുന്നത് ഇസ്ലാമിലെക്കാന്. ഖുര്‍ആന്‍ എന്ന മഹത്തായ ഗ്രന്ഥം നീ എതിര്‍ക്കുമ്പോഴും ഇസ്ലാമിന്റെ ശത്രുവായ ജൂതന്‍ വിശ്വസിക്കുന്നു. അള്ളാഹു ഖുരാനിലൂടെ നിന്നെ പോലുള്ളവരെ വെല്ലു വിളിച്ചിട്ടുണ്ട് അറിയാമോ ആവോ. കുഴപ്പമില്ല കഫിറായ നിനക്ക് വേണ്ടി ഞാനത് പറയാം. ഖുരാനിലുല്ലതുപോലെ ഒരു ആയത് എഴുതാന്‍ പറ്റുമോ. ഒരു പണിയും ഇല്ലാത്തത് കൊണ്ടാണല്ലോ നീ ഈപണിക്കുവന്നത് പറ്റിയാല്‍ ഈ വെല്ലുവിളി നീ എത്റെടുക്ക്.
ജബ്ബാരെ ഒരിക്കലും ഒരാള്‍ പേരുകൊണ്ട് മുസ്ലിം ആകില്ല അതിനാല്‍ തന്നെ ഞാന്‍ ഒരു മുസ്ലിം ആയി കാണുന്നില്ല.താന്‍ ഇവിടെ എഴുതിയ എല്ലാ തെറ്റുകളും ഞാന്‍ വായിച്ചു ഇതില്‍ നിന്നും എനിക്കൊരു കാര്യം മനസിലായി താങ്കള്‍ മദ്രസയില്‍ പോയിട്ടില്ല.താങ്കള്‍ ഒരു കാര്യം മനസിലാക്കണം ഈ ലോകത്ത് ഏറ്റവും കൂടുതല്‍ ആളുകള്‍ വിശ്വസിക്കുന്ന മതം ക്രിസ്തു മതമാണ്. ഏറ്റവും കൂടുതല്‍ ആളുകള്‍ മതം മാറുന്നത് ഇസ്ലാമിലെക്കാന്. ഖുര്‍ആന്‍ എന്ന മഹത്തായ ഗ്രന്ഥം നീ എതിര്‍ക്കുമ്പോഴും ഇസ്ലാമിന്റെ ശത്രുവായ ജൂതന്‍ വിശ്വസിക്കുന്നു. അള്ളാഹു ഖുരാനിലൂടെ നിന്നെ പോലുള്ളവരെ വെല്ലു വിളിച്ചിട്ടുണ്ട് അറിയാമോ ആവോ. കുഴപ്പമില്ല കഫിറായ നിനക്ക് വേണ്ടി ഞാനത് പറയാം. ഖുരാനിലുല്ലതുപോലെ ഒരു ആയത് എഴുതാന്‍ പറ്റുമോ. ഒരു പണിയും ഇല്ലാത്തത് കൊണ്ടാണല്ലോ നീ ഈപണിക്കുവന്നത് പറ്റിയാല്‍ ഈ വെല്ലുവിളി നീ എത്റെടുക്ക്.
ഇതടക്കമുള്ള മാഷിന്‍റെ ബ്ലോഗിന് ചില മറുപടികള്‍ തയ്യാറാക്കിയിട്ടുണ്ട്. മറുപടികളുടെ എണ്ണം വളരെ കൂടുതലായതിനാല്‍ എല്ലാം കൂട്ടിച്ചേര്‍ത്ത് ഭ്രൂണശാസ്ത്രം ഖുര്‍ആനില്‍(ജബ്ബാര്‍ മാഷിനുള്ള മറുപടി) എന്ന എന്റെ ബ്ലോഗില്‍ നല്‍കുന്നു. കൂടുതല്‍ വിവരങ്ങള്‍ ചേര്‍ത്തുകൊണ്ടുള്ള ഏറ്റവും പുതിയതും വിശദവുമായ വിവരണത്തിന് എന്റെ ബ്ലോഗിലെ ലിങ്ക് സന്ദര്‍ശിക്കണം എന്നപേക്ഷിക്കുന്നു.
Post a Comment